Öll við komum að Koðralæk
Kát bæði hress og spræk
Það skal verða voða sniðugt partý.
Við ærum alla í sveitinni
-að mér heilli og lifandi-
Látum verða veislunni margt í.
H.E.
---------------------------------
Öll við munum skunda þangað býsna fljót
og okkur skemmta þar á einhvern veg
og líka ég.
Þar munu hittast allra handa ættingja
og eitthvað sniðugt læðist fram um gættir þar.
Og skrítið fólk og skemmtið maður sér.
Já, það finnst mér.
Það allt mun ganga vel.
Ekki það ég tel,
þó einhver hrapi á hausinn þúfum í.
Og börnin blotni í læk,
þau bara verða spræk
og hlaupa glöð um holtin fyrir því.
H.E.
-------------------------------------Ljóðið um ættarmótið. (með stórum staf) (eftir Ingigerði Einarsdóttur 1990)
Lag: Blessuð sértu sveitin mín
Ó, þú kæra ættin mín
ættin mín af Högna kyni.
Mun ég ætíð minnast þín
meðan sól á Bláfell skín.
Já, ættin mín er ekkert grín,
með ótal dætur og marga syni.
Yndislega ætin mín
er af Presta-Högnakyni.
Ættin dreifðist að og frá,
enda er lífsins straumur þungur.
Inn til dala og út við sjá
anga af henni finna má.
Ýmist beint eða út á ská
hún æxlaðist um landsins klungur
og hún nær eins og hér má sjá
að Holtakotum austur í Tungur.
Krakkarnir í koti því
komust fimm á manndósmaldur.
Uxu upp með hopp og hý
um holtabörð og keldudý.
Lóan söng hér dirrin dí,
í dældum urpu spói og tjaldur.
Hver saga forn er saga ný,
svona er rammur lífsins galdur.
Svo fæddust börn að frónskum sið,
það fjölgaði í herrans nafni,
eftir skifting út á við
hér árangurinn sjáið þið.
Ef þið brúkið sama sið
mér sýnist víst að ættin dafni.
Allra best er ungviðið
á ættartrésins greinasafni.
Verði æfin við oss góð,
svo vafstur okkar komi að notum,
svo við megum sæl og rjóð
svamla um lífsins Kjóaflóð.
Við munum hlúa mild og hljóð
að minninganna tóftarbrotum.
Nú sungið er á enda ljóð
um ættarmót í Holtakotum.
---------------------------------
Niðjabragur (eftir Dórotheu Einarsdóttur, 1990)
Lag: Frjálst er í fjallasal
Hópast nú hingað skal
harðsnúið niðjaval.
Það er svo þjóðlegt og gaman.
Ungir og aldnir með,
upphefja nú sitt geð,
kveða og syngja hér saman.
Komum að Koðralæk,
kætist þá æskan spræk.
Hvað skal nú helst fyrir taka?
Glápa og góna á
græn tún og fjöllin blá.
Hlusta á heiðlóur kvaka.
Labba um laut og hól,
líta hið gamla ból.
Þarna bjó afi og amma;
kýrnar og kindurnar;
kálfar og hænurnar.
Hentist á hestbak hún mamma.
Héðan við höldum brott,
harla var þetta gott,
að hittast og heilsast og kynnast.
Heitum því hér og nú,
hópurinn – ég og þú -,
fljótlega aftur að finnast.
14 comments:
Hæ allir
Nú er ég búin að fá slóðina inn á þessa síðu og lýst vel á að hittast í sumar, hvar er verið að tala um að hittast? Í Holtakoti eða annarsstaðar?
Sjálf verð ég í sumarfríi meirihluta sumars. Spurning hvernig verður með ágúst, allavega um eða uppúr miðjum ágúst gæti ég verið bundin meira. (vonandi skilst þetta)
En ég er voða spennt og vonandi tekst að finna góðan tíma sem hentar sem flestum.
Bestu kveðjur
Þorbjörg Ólafsdóttir, Akureyri
er ekki verið að hugsa um að hafa þetta um helgi?
þá skiptir nú varla neinu máli hvort fólk er í sumarfríi eða ekki?
gæri verið meiri líkur á að fólk sé á landinu einmitt þegar ekki er sumarfrí.
Nema þeir sem búa í útlöndum, eða eru að fara þangað í skóla.
já , ég held það verði að kjósa bara um helgi, en samt...
skil ekki að verið sé að einblína á maður þurfi að vera í sumarfríi.
þetta verðu jú laugardasferð er það ekki
Ég er búinn að ráðstafa verslunarmannahelginni, vikunni þar á eftir. Ég reikna líka með að vera uptekinn seinni hluta júni. Annars er mér nokkuð sama.
-Einar Kjartansson
hæ skil vel að það er verið að spá hvaða helgi....það eru sumir í vaktavinnu og vinna um helgar veit að það eru ekki margir kannski bara mjög fáir enn hjá mér gæti það skipt máli alla vega. veit að það er ekki hægt að eltast við það enn... svo ég bara bíð og vona að ég verði í fríi :-)
kveðja Eyrún ; )
hæ þá er ég búin að koma hér við og líst vel á allt og ég treysti þér bara fyrir því að finna helgi og tíma svo annað hvort getur maður verið með eða ekki. aldrei hægt að taka alla með í reikningin og af hverju ekki ágúst eins og aðra mánuði.
Jóhanna Ragnars
Sælt veri frændfólkið.
Það verður alltaf sársaukafullt að velja tíma. Með þennann hóp er það nokkuð örugt að það verður fullt af fólki sem að kemst ekki, sama hvaða dagsetning er valin. Það sem mér finnst skipta mestu máli, er að það góða og duglega fólk sem að tekur að sér að vinna í þessu velji tíma sem að það kemst sjálft. Svo verðum við hin sem að mætum bara, að gera okkar besta til að laga okkur eftir því.
Kveðja frá Álaborg.
Já Óttar, það þýðir að ef ég tek það til mín að vera gott og duglegt fólk þá gengur helgin 12. - 13. júlí ekki, því þá langar mig til að hlaupa Laugaveginn. Og mig grunar að ein önnur frænka ætli líka að gera það.
Sem er eina helgin sem ég kemst ekki.
skoh! svona er hægt að halda áfram að útiloka helgar.
mér finnst líka mikilvægt að ættmæðurnar komist, mamma Dóra er kemst hvenær sem er, en hinar ?
Það er alveg sama hvaða helgi er valin, það komast aldrei allir en eftir því sem fyrr er ákveðin einhver timi eru meiri líkur á að hægt sé að laga sig eftir þeim tima.Fríða ákveður einhverja helgi með aðra til vara og leitar eftir svörum við því.
Fyrirgefið að ég gleymdi að auðkenna mig í seinasta bloggi.
Páll Eyþór
Hæ öll sömul mér finnst ad thad ætti ad velja nefnd sem getur tekid saman thær helgar sem thau geta komid og svo leggja thad framm svo má restinn finna út úr thví hvort thau komast .
Èg get ekki verid í thessari nefnd .
ÈG mæli med eyrúnu systur minni frá mömmu hlid.
Thví hún vinnur helgar vinnu.
svo bara kom í gang.
kærara kvedjur frá Hæstrup Mølleby
Post a Comment