Mér fannst mjög gaman á ættarmóti og hugsið ykkur bara muninn ef við hefðum verið viku seinna! Veðurstofan bendir fólki á að tjöld og ýmis annar búnaður gæti barasta fokið út í veður og vind. Talandi um vind má næsta nefnd kannski huga að því að finna mótsstað þar sem eru góð skjólbelti. Það er tæplega nóg að að þau nái manni í ökla. Líka væri notalegra að hafa styttra á milli húsafólks og tjaldbúa. Það myndi skipta verulegu máli ef viðraði illa til útiveru. Svo skiptir miklu að hafa gott svið og slatta af barnastólum :). Staðurinn var hins vegar fínn fyrir gönguferðir og leiki og stór kostur að þurfa ekki að leggja út staðfestingargjald og geta alveg ráðið matarfyrirkomulaginu.
Vel lukkað fannst mér til dæmis ratleikur sem hristi saman hópana og leiknu sögurnar sem fóru fram úr öllum væntingum. Legg eindregið til að það verði gert að föstum lið, nóg er til af sögunum. Sé alveg fyrir mér Litlu gulu hænuna til dæmis :)
Ég tók sáralítið af myndum, hef trúlega þóst upptekin af öðru en hér eru nokkrar úr ættarlabbinu sem endilega þarf líka að verða að föstum lið.
Komu alls: | 13 og eldri | 7 til 12 ára | 0 til 6 ára | Samtals: |
Ragna | 22 | 3 | 1 | 26 |
Inga | 25 | 3 | 12 | 40 |
Hlíf | 19 | 0 | 6 | 25 |
Dóra | 16 | 3 | 5 | 24 |
Alls: | 82 | 9 | 24 | 115 |
3 comments:
takk fyrir þessar upplýsingar Ella. Ég er enn að ferðast og þessvegna ekki til með neinar myndir enn,þeas nenni því ekki strax
sæl öll og takk fyrir frábært ættarmót.
ég legg til að Bjarkarlundur verði skoðaður fyrir næsta ættarmót.
kveðja Jóhanna Ragnars
Takk fyrir upplýsingarnar og frábært ættarmót . gaman að sjá hvað margir voru frá hverjum :)
kv Eyrún
Post a Comment